Nplaim Hlub

KHEEV LAM KUV TIG TAU SIBHAWM

Wed, 07 Jul 2010 23:33:16 -2300

Yog tias tig tau sibhawm rov qab yuav tig kom ncaj koj ua kuv tus, yuav tig kom tau koj ua tus hlub vim koj thiab kuv tsis xub sib pom. Yog tias tig tau sibhawm caij nyoog, yuav tig kom zoo yav puag thaum i yuav tig kom tau wb los sib ntsib. Cas lub sibhawm yuav dhau lawm deb tsis muaj txoj kev yuav tau sib cuag. ntsib koj tsuas yog ntsia lub qhov muag chim siab ua luaj hais tsis tau qhia. Yog tias tig tau lub ntiaj teb poob yuav tig kom txog thaum wb tseem yau kom wb tau ua nkauj ua nraug lub neej thiaj xaus rau lub siab ntshaw. TXOJ KEV HLUB TSIS PES TIAS YUAV SIB TAU..TXOJ KEV NCO TSIS PES TIAS YUAV TAU NYOB UAKE..TSUAV HAUV WB OB LUB SIAB MUAJ WB TXOJ KEV HLUB ZOO ZOO XWB TAU LAWM.

JKM

Who knows what the future will bring

Fri, 21 May 2010 05:28:04 -2300

Koj yog kuv ib tug phooj ywg uas zoo tshaj plaws ever. Thaum pib los mus txog tav li no koj yeej tsis tau dag kuv kiag li. You always there for me. Its so wonderful how our friendship grows. Hauv kuv lub siab xav txog koj thaum twg mas yeej zoo siab xwb. Txawm wb sib ncaim sib deb heev los koj yeej nco qab ntsoov txog kuv. Koj txawm yuav ua zoo npaum li cas rau lwm tus los thaum sib ncaim lawm ces koj yeej tso lawv tseg tiamsis koj yeej tsis ua li ntawd rau kuv li. Zaum no wb rov qab sib ntsib dua ib zaug ntxiv pom ntsej pom muag dua. Kuv zoo siab heev kuv paub hais tias koj zoo siab thiab.

There always so many friends but only one can be the best. And you are my best guy friend forever. Kuv paub thaum kuv chim siab los koj yeej yuav nyob ntawd, thaum kuv zoo siab los koj yeej yuav nyob ntawd. Koj yeej yuav nrog kuv quaj nrog kuv luag ua ke nraim mus li. I feel so lucky to have you in my life. Kuv yeej tsis muaj dabtsi tsuas muaj kuv tus Kheej xwb los koj yeej hlub kuv tsis hloov siab ib yam li kuv yog koj tsev neeg thiab.

You are the best and I love you my friend.

Muaj Neej Tag Tseem Kho Siab

Wed, 14 Apr 2010 07:16:47 -2300

"Ntshe kuv yuav tuag vim kev nco koj" yog txoj kev nco thaum tseem hluas, thiab yog txoj kev nco uas tseem zoo tiag tiag. Thaum tseem tsis sib tau, ib leeg nyob ib qho txoj kev sib nco loj heev. Nco nco txoj sia yaj ntshawv ntshi tiag tiag. Txoj kev kho siab, kev sib nco ua hluas nyob ywj fab ywj fwj tsis pom tias yav pem suab yuav zoo li cas. Txoj kev ntshaw thiab kev cia siab tsuas yog kom muaj ib tug hlub xwb. Tej kev hlub thiab nco muab sau ua paj huam hais, ua nkauj hu, thiab ua raj ua nplooj tshuab thiab ua dab neeg hais au ntuv zus.

Muaj neej tag. Muaj cuab muaj yig mam pom dej dag lub siab mam qhuav mam nqig. Kho siab los tsis zoo sau ua nkauj hu, tsis zoo sau ua paj huam, tsis zoo tshuab ua raj qwv ua nplooj lawm. Khaws tseg tej ywm rau hauv lub siab lawm xwb. Tej thaum zoo caij zoo nyoog ces ua npau suav es ntshe thiaj li pom txoj kev npau suav pliag puav xwb.

Nov yog ib zaj nkauj uas qub qub thiab tseem zoo mloog:

http://www.hmongmelody.com/sivai-thoj/song-video_f281738a6.html

Are you the right one?

Mon, 01 Mar 2010 04:30:33 -2300

Kuv xav hlub koj tiamsis kuv ntshai
Kuv xav tso koj tiamsis kuv ntshai
Kuv tsis paub kuv yuav ua cas thiaj yog. Zoo li no kuv tsis pom qab xyov kuv yuav yog leej twg rau koj. Zoo li kuv twb tsis txawj hlub, tiamsis qhov tseeb tiag yog kuv tsis paub tias puas yuav tsim nyog kuv hlub koj. Puas yuav tsim nyog lub sij hawm. Koj puas yog tus yog rau kuv??????

Yog Koj.....

Sat, 20 Feb 2010 19:17:50 -2300

Yog koj hlub kuv li kuv hluib koj tiag...
Wb txojkev sis hlub yeej yuav tsis muaj leej twg los txiav tau kiag.
Yog koj hlub kuv npaum li kuv hlub koj...
Wb txojkev sis hlub yeej tsis zoo yam li tus cag ntoo uas yuav ncoj.
Yog koj hlub kuv tshaj ib puas tsav yam...
Wb txojkev sis hlub yeej yuav tsis muaj hnub plam.
Yog koj hlub kuv heev npaum li koj lub ncauj hais tau...
Wb txojkev sis hlub yeej yuav tsis muaj hnub tu mus nrog lub caij nyoog dhau.
Yog koj tsis muaj siab hlub kuv lawm tiag...
Cia kuv mam tso koj mus nrhiav dua tus tshiab los nyob hauv koj xubntiag.
Yog koj dhuav kuv lawm es xav muaj lub neej tshiab...
Cia kuv mam tso koj mus pib dua lub neej tshiab kom thiaj sov koj siab.
Yog koj mus lawm thov kom koj mus zoo...
Txawm koj lub neej yuav phem yuav zoo los thov kom koj tsis txhob nroo. Yog koj mus lawm tsis txhob tig rov los noog kuv moo leej nus/ leej muam hmoob tus neeg siab phem lub ntsej muag zoo.

Lo Lus Hlub...Hais Yau Yau......

Wed, 17 Feb 2010 01:00:29 -2300

ITS LATE, BUT I STILL WANT TO SHARE.SO...HAPPY VALENTINE'S DAY TO ALL ;)!!!

Lo lus HLUB, yog ib lo lus uas muaj nqes heev. Kuv yuav siv kuv lub siab tag nrho los hais. Yuav hais maj mam thiab yau yau rau koj mloog kom koj lub siab kub lug nyob tsis tswm. Kom lo lus hlub uas kuv hais tawm los rau koj...koj thiaj li yuav muab nws saib muaj nuj nqes. Kuv tsis nyiam hais lo lus hlub nrov nrov kom luag tej hnov. Yog hais nrov nrov ces luag tej hnov tag ces yuav zoo yam li yus hais lus dag lus ua si lawm xwb...yuav tsis muaj nuj nqes dabtsi rau tus neeg uas yus npaj siab yuav hais rau lawm. Yog tias yog kuv, kuv yuav hais maj mam thiab yau yau rau koj ib leeg hnov xwb. Kuv yuav siv kuv lub siab ntxhi rau koj lub siab mloog txhua hnub txhua hmo thiab txhua lub sijhawm uas kuv muaj hais rau koj. Kuv yuav tsis hais nrov nrov kom luag tej hnov. Koj tig thiab txav los ze ze kuv... cia kuv mam ntxhi rau koj pob ntseg kom koj tib leeg thiaj li tau hnov nkaus xwb. Kuv yuav hais maj mam thiab yau yau rau koj tias, KUV...HLUB...KOJ! Kom lo lus hlub ntawv... nws yuav nrov doog diaj mus txog koj nplooj siab nplooj ntsws. Koj thiaj li yuav meej thiab tseeb tias zoo npaum cas. Thiab kom nws ua rau koj nplooj siab nplooj ntsws tshee na thiab nyob ywj fab ywj fwj kom koj hnov tag los koj tseem xav hnov dua. Koj tig los ntawm no es mloog kuv hais...KUV HLUB KOJ, KUV HLUB KOJ, HLUB KOJ, HLUB KOJ, kuv hlub koj os..

Ntev Los Lawm

Mon, 15 Feb 2010 16:40:56 -2300

Tau ntev lawm tsis tau sib ntsib
Yam hmab dib twb qhuav yuav tag
Lub ntsis nkag khuam tej nplooj lwg.
Nkag txog twg los tshuav txiv yeem
Ua chaw ntxeem kom txhob tuag tshav
Muab los xav sij hawm dhau ntev
Peb tej kev ua si kuj nphob
Tej chaw nyob kuj txawv tag nrho
Tsis muaj qhov zoo li thauv lawm.

Rov tuaj tawm txog rau Nplaim Hlub
Los tej qub phooj ywg kuj sib
Tsis khoom ntsib ua hnub ua hmo
Txawv tag nrho li thaum peb hluas
Es peb tsuas nrhiav kev ua si
Nyob tas li hauv Internet
Tham nas ej phab ej sib nco
Tsheej tag hmo los yeej tsis pw
Kev phooj ywg mas muaj loj heev tiag.

Rov tig ntsia peb tej qub duab
Thiab tej suab dab neeg paj huam
Uas tsoom muam phooj ywg viv ncaus
Sawv daws ntaus mas ntau kawg nkaus
Nyeem tsawg zaus los yeej tsis dhuav tsis tag.

Hais tsis dag peb yeej haib tshaj
Peb thiaj npaj tau tej duab paj huam dab neeg no tseg ua puab pheej.....

Hmong Auction is BACK!!!

Thu, 14 Jan 2010 19:17:52 -2300

Yes. Hmong auction is back online, and it has more featured added to it as well as new sellers and buyers' options. Best of all is that anyone can sell anything for no fee at all. That means you do not have to pay for selling your things. Check it out at http://www.hmongauction.com. As member of Nplaim Hlub, you get special treatment: you get a voucher number to get a forever discount fee for selling anything... Check out the Message Forum, under NplaimHlubers to get your voucher ID.

hlub koj

Tue, 24 Nov 2009 08:29:30 -2300

kaj ntug pom kev lawm zuj zus
suab tsheb khiav nrov cuag li cas
ib laim muag ntsia pom koj duab
kua muag teev yees rov nco koj suab
tav li tsam no koj nyob li cas
kuv tus kheej hauj lwm twb yuav cab mus

luag tias tav su kuv hais tias plab tshaib
pom luag tej taug kev sib tuav tes
kuv lub siab yeej tig caum koj qab
hnov luag tej sib tham luag li nyav
ib nrab hauj lwm tseem nco tuav koj npe
nco wb lo lus hais txog me nyuam ntxaib

hnub tuaj ziab ntiaj teb tav li no
txhua yam tau nws tus hluav taws sov
tav lub caij kuv rov los tsev
ntuj ncua kev deb tsis pom kuv sev
txog kuv nkauj hli caij ua num
nqa npau suav tuaj hais rau kuv:"I love you"

ncokoj

nplooj siab tsis muaj tsw

Mon, 23 Nov 2009 10:18:36 -2300

Kev deb ncua yuav ntev
niam txiv twb tsis txiam kev
ntuj loj hiav txwv yuav dav
koj tej kev nyuaj siab kuv mam lav
ib leeg txawm muaj dua ib lub neej
zaum no kev hlub thiaj yuav tsheej

hav zoov ntsuav xiab tsis xws yees
txoj kev tos koj tseem ruaj nrees
lub hnub sawv tuaj lawm ntau zaus
txiv nraug hli siab tsis tau nkhaus
hmo ntuj tseem pom kev ci ntsa iab
niam nkauj hnub tau nqa kuv nplooj siab

tsheb khiav luam pe taws
kev nyuaj siab cia kuv yog tu daws
dav hloo ya npau xw npho
tseg koj nplooj siab rau kuv kho
koj lub tsev yog tsis tau muaj tsw
kuv mam los hlub koj mog xw

ncokoj