Lub tsiab peb caug nyob rau vibnais xyoo 86-87 ntawv lom zem kawg li neeg coob heev li nyob rau hauv tshav pob. Muaj ib tug tub hluas hu ua Thao yog xeem Lis tau mus ntsib nws tus hlub nyob rau lub tshav pob ntawv.



hnub tawm zuj zus tim npau ntuj tuaj lawm tiag, tshav ntuj ci ziab tuaj lawm Thoj thiaj li nrhiav tsoos tsho hnav yuav mus nrhiav hluas nkauj lawm tom tshav pob. Thoj hnav tau khob ncaws thiab ncis plaub hau tag ces nws tseem tawm kiag ntawm qhov rooj taug kev mus rau tim tshav pob lawm. hnub ntawv yog hnub xib 1 xwb tub ntxhais hluas tuaj coob heev li. Thoj tuaj txog ntua ntawm tshav pob, cas hluas nkauj hmoob txhua tus hnav tau tsoos tsho zoo nkauj heev li thiab tus twg los zoo nkauj tag li, thoj thiaj li tau mus ncig ib pliag li seb puas muaj ib tug uas nws nyiam. Thoj tseem mus pom ib tug ntxhais hmoob hnav tsoos tsho hmoob txaij hnav ib daim tiab dawb sia hlab nyiaj cov xauv luag ntxhi muaj kab lia, thoj nyiam nws heev li ces thoj thiaj li tau mus nrog nws tham.
Thoj:leej muam, thov paub koj lub npe thiab koj lub xeem puas tau nab yuam?
?:tus nus, kuv lub npe dab dab tuag es txaj txaj muaj qhia rau nej paub li os tus nus. yog koj kam no puas kam qhia koj lub npe ua ntej nab leej nus?
Thoj:txawm phem zoo los nws yog koj lub npe koj niam koj txiv muab rau koj lawm na, es hais dabtsi li ntawm koj na yuam leej muam? kuv npe lod, phem phem thiab xwb es, tiamsis mas kuv mam li qhia rau koj los tau ma. Kuv npe hu ua Thoj yog hmoob xeem Lis os.
?:koj lub npe zoo kawg li os phim koj heev li leej nus. kuv npe hu ua Paj yog ntxhais hmoob xeem xyooj
Thoj:leej muam paj cas koj yuav zoo nkauj ua luaj li, koj niam koj txiv lawv noj dabtsi yug es yuav yug tau koj tus me dawb dawb mos mos zoo ntxim ntxim peb siab peb ntsws li os.
Paj:peb niam peb txiv ces tsis txawj yug es yug tau peb phem phem dab dab tuag, twb tsis muaj leej twg nyiam xav nrog tham li os leej nus thoj.

Thoj thiab Paj nkawv tham tham ntev loom ces thoj thiaj li hais rau paj tias
thao:paj, koj puas kam nrog kuv wb mus tau kev ua si nab?
Paj:mus tau kawg ma, tiamsis koj tos pliag kuv hais kuv tus niam laus tso nawb es wb mam li mus.

ces paj tseem tig loo mus rau tom nws tus niam laus, hais qhia rau nws tus niam laus tias nws nrog hmoob mus taug kev ua si lawm ib pliag li rov qab los, yog tsis pom nws los ces kom lawv mus tsev ua ntej es nws mam li lawv qab los. paj thiaj li los hais rau thoj tias
Paj:mus tau lawm ma thoj
thoj:cia wb mus rau tim roob ua ntej yom es wb mam li tau los mus rau tim koos haum, koj ne xav licas paj?
Paj:mus qhov twg los tau los mas

ces nkawv tseem tau kev mus rau tim roob 10 npaj lawm. thaum nkawv taug kev los txog ntawv cov tab laj, thoj tseem mus yuav tau ib kiolgram txivleemtsib rau nkawv nqa mus noj tham lus saum rooj. thaum nkawv mus txog rau sau roob 10 npaj ntawv twb muaj ob peb khub hluas nkauj hluas nraug tuaj zaum sib tham ntsia rau sab tim xoomxabnuv lawm. ces nkawd tseem mus rau tim zaum ntawv ib ya cav taws.

Thoj:paj, koj puas tau muaj hluas nraug nab? koj nrog kuv los ua si li no koj tsis ntshai tsam ib pliag koj tus hluas nraug tsis txaus siab rau koj lod?
Paj:thoj, ib tug ntxhais phem dab tuag li kuv no es leej twg thiaj li yuav xav tau kuv mus ua nws tus na. yog kuv muaj hluasnraug li koj hais lawv ces kuv yeej tsis kam nrog koj tuaj puag tim teb no li os thiab kuv los yeej nyiam koj lawm thiab na es thiaj li kam nrog koj tuaj tim no.
Thoj:paj, hais dabtsi li ntawm koj na, kuv pom koj zoo nkauj heev li lub tshav pob hluas nkauj coob tag npaum li ntawv los kuv tsuas pom koj ib leeg xwb thiaj li zoo tau ntxim kuv siab tshaj xwb na, es kuv thiaj li hais kom koj nrog kuv tuaj tim no es thiaj li zoo tham lus, paj koj nyob xoom dabtsi na?
paj:kuv nyob xoom 9 khoob 3 tsev 1 hoob 1, es thoj koj ne nyob rau qhov twg thiab na?
thoj:kuv nyob ntawm xoom plaub khoob 4 tsev 2 hoob 2 os. paj, hnub no xyov yog hmoov dabtsi es kuv thiaj li tuaj pom koj rau tom tshav pob, yog kuv tsis tuaj tov los sis koj tsis tuaj rau tov ces ntshe twb tsis paub koj li ntawm no os paj
Paj:tej zaum thiab.
Thoj:paj kuv nyiam koj lawm xav tham kom tau koj los nrog kuv nyob lawm xwb
Paj:thoj txhob dag dag li koj ma, nyuam qhuav sib ntsib xwb es koj tseem siv nyiam npaum li koj lawm ntag? tsam ib pliag koj lam dag kuv xwb os thoj? tsis nyob peb tsis txhob dag dag nawb tsam ib pliag peb tuag rau nej nawb?
Thoj:paj, kuv yeej hais tiag na, kuv tsis dag koj li ntawm koj hais koj os paj. kuv yeej nyiam thiab xav hlub nrog koj heev li.

thoj thiab paj nkawv sib tham ntev loo ces nkawv tseem sawv los tim koos haum lawm. nkawv los ncig ntev loo rau tiv ces thoj thiab paj nkawv thiaj li rov los rau tom tshav npas vim nws twb yog tav su dua lawm. paj thiab thoj nkawv thiaj li rov los nrhiav paj tus niam laus hauv tshav pob. nkawv los nrhiav tau paj tus niam laus ces thoj thiaj li los tim tsev los noj su lawm ho paj nkawv thiaj li mus tsev mus noj su lawm thiab.

Continue part 2.......