Txij li tub tau txais maiv lis tsab ntawv qhia txog hais tias maiv lis tau nchua me nyuag tag...Tub kuj tu siab thiab chim rau maiv lis heev, vim tub xav hais tias tej zaum maiv lis txhob txwm muab tshuaj ntaus kom poob xwb.... txij ntawv los tub cia li tsis sau ntawv thiab nug maiv lis xov li lawm....

maiv lis mas nco tub heev txawm muaj hluas nraug coob npaum licas tuaj mus tham thiab nrog nws txuas lus los maiv lis yeej tsis nrog lawv txuas lus li... maiv lis tsuas nyob li ib tug neeg ua twb muaj txiv lawm xwb... ua rau coob leej ntau tus yeej tsis to taub txog maiv lis hlo li.... maiv lis tos tub ib hlub mus dhaus ib week, ib week mus dhaus ib hlis los yeej tsis hnov tub sau ntawv los rau maiv lis hlo li... maiv lis tu siab thiab quaj heev... maiv lis thiaj li tau sau ib tsab ntawv dua tuaj mus rau tub.... tom qab uas tsab ntawv tuaj mus txog rau tub... tub muaj nyeem maiv lis sau hais li no: Nyob zoo kuv nplooj siab hlub, koj ua dab tsi lawm xwb uas cas koj yuav ntshiag moo to tsis hnov koj xov li lawm... es tsis yog koj mob los yog vim li cas koj thiaj li tsis sau ntawv los rau kuv li.. koj puas paub hais tias kuv nyob tos koj ua hnub ua hmo los tsis hnov koj ib tsab xov.. kuv kuj txhawj txhawj koj heev li.... koj mus lawm kuv yog tus nyob tej zaum koj yuav nyob tshav ntuj nrig hos hais txog ntawm kuv ces txawm tias yuav tshav ntuj nrig npaum li cas los kuv lub siab quaj dhi rau koj xwb zoo li lub ntuj dub nciab xwb os.... kuv yeej tseem nco ntsoov txog koj thiab kuv wb txoj kev sib hlub thiab tej me lus wb tau cog tseg... txhua yam tseem tsis tau hloov hlo li... yog koj tau hnov thiab nyeem kuv tsab ntawv no tag lawm es koj yuav muab wb txoj kev sib hlub tso pov tseg los kuv thov koj sau ib tsab ntawv los qhia rau kuv nawb... hais txog ntawm kuv tus kheej ces kuv yeej yuav nyob tos koj ib leeg xwb... lub siab lub ntsws tseem zoo li qub yeej tsis tau hloov li os tus me neeg kuv nco.... thaum kawg no thov kom vaj tswv nrog nraim koj kom tsuas ntsib kev noj qab nyob zoo... cia siab tias tsis ntev no kuv yuav tau txais koj tsab xov..... Sau npe tus uas koj muab tso rau tom qab. hlub koj thiab nco koj Maiv lis: tom qab tub nyeem maiv li tsab ntawv tag lawm kuj ua rau tub txiav tsis tau txim siab hais tias yuav ua li cas... vim ib lub siab yuav tso.. los ib lub siab pheej mob. Tub tsis paub yuav ua zaj twg... tau li 2 weeks dhaus mus tub kuj muaj ib tug muam kwv tij uas yog maiv lis kuj ib txwm tau paub thiab tau mus church ua ke... tau mus vib nais mus rau phab nab... maiv lis kuj muab me ntsis lus rau maiv kom pab mus hais rau tub saib yog vim li cas es tub thiaj li tsis sau ntawv los rau maiv lis li lawm. mam nyeem txuas ntxis mus rau ntu (3)