Ib vuag dua xwb, wb txojkev sib hlub twb tau dhau mus ua ib tug hneev taw nphob xuj xuav tuaj nroj tsuag cia. Thaum koj rov nco ras dheev txog kuv ces tsuas tshuav kuv tus hneev taw saus tseg rau wb tej chaw ncig lawm xwb. Thaum koj rov nco txog kuv ces tsuas tshuav kuv tus ntxhiab tsw qab ploj luj loog nrog dej yaj ntshuj ntshis nrog lwg. Kuv me leej nus hmoob tus siab zoo zoo ntxim siab, twb yog vim koj lub ncauj nrawm dua koj lub siab thiab yog vim koj ua roj qeeb tus hneev lig kuv thiaj tau tseg wb tej qub chaw nrog rau wb txojkev hlub tus hneev taw rau koj ib leeg nco ib leeg ncig. Tsam no lub sijhawm twb dhau mus lawm ntau, txawm tias koj yuav caum kuv npaum li cas los koj yeej yuav caum tsis tau. Mam nyob koj mog kuv me leej nus hmoob tus zoo hlub. Koj nyob tom qab tsis txhob quaj tsis txhob tu siab. Yog nyob muaj ib hnub twg, koj ho ncig rov mus txog wb tej qub chaw, tig rov mus taug wb txojkev hlub tus hneev taw dua no, qee koj lub qhov muag thiab ua tib zoo mloog seb puas yuav hnov wb tej lus hlub lus zoo ya nrog huab nrog cua saib puas yuav pab tau koj txoj kev tshua. Ntshe wb sib ncaim zaum no, yuav ncaim mus tag ib txhis. Cia wb muab wb txojkev hlub tus hneev taw sau cim tseg zais kom ruaj kom tob tuaj rau wb nruab siab. Txawm tias wb ncaim mus leeg txojke lawm los kom wb nco ntsoov tias wb tau los ua nkauj ua nraug nyob rau lub neej tiam no ib zaug. Wb txojkev hlub nyob rau tiam no ces tsuas zoo piv tam tau yam li niam nkauj hnub thiab txiv nraug hli. Koj yuav ntsib tau kuv ces tsuas yog ua ntej thaum lub hnub yuav tsaus lub hli yuav tawm tuaj ci. Thaum lub sijhawm uas wb sib ntsib ntawv, koj yuav tsum ntsia ntsoov kuv thiab cim kuv cia rau hauv koj nruab siab mus li. Yog thaum twg koj nco thiab xav txog kuv ces tawm mus ntsia lub hnub tus duab ci. Yog thaum twg tus duab tshav ntuj ci thuaj ziab txog koj ces kom koj paub tias kuv tseem hlub tshua heev txog koj tshaj plaws li.

Zoo li tib pliag ntshis xwb, wb txojkev hlub txawm siv ua ib tug hneev taw nphob xuav tseg. Thaum kuv ras dheev tig rov los taug, wb txojkev hlub tus hneev taw twb tuaj nroj. Koj tus ntxhiab tsw qab ua kuv ib txwm hnia twb ploj. Kuv tus mes nkauj siab zoo, tsam nos kuv yuav ua li cas thiaj yuav caum cuag koj. Koj ncaim tseg kuv nrog wb txojkev hlub tus hneev taw qub lawm zuj zus, nim ua raus kuv nyob rov tom qab lub mes siab puas tsus. Hnub no tsis xav mus ua noj los twb vim yog kuv tsis muaj koj. Tsis taus dej haus los twb tsis nqhis npaum li qhov uas kuv lub mes siab nco koj mus ib txhis. Mus ncig tom tej chaws qub wb ua sis es hnov meskab mesnoog quaj los kuv nim ua tib zoo mloog saib puas yog koj los lus ntxhi. Tiam nos cia kuv mam taug wb txojkev hlub tus hneev taw mus kom kawg saib puas yuav pom koj ib pliag li lub hnub qub, es saib caum puas cuag koj thiab wb txojkev hlub nas kuv tus mes nkauj siab zoo. Saib puas pom koj ib pliag li lub Hli, es kuv yuav muab koj tus duab zwm tseg raus hauv kuv lub ntsiab muag thiab lub plawv mus kom tag ib ntxhi os.

thaum kuv pom koj quaj lub me kua muag ntsw si
koj tsa tes los rau kuv
hais rau kuv tias, thov koj qhia rau kuv
kuv tsis paub yuav ua li cas, kuv txoj kev hlub tu
zoo yam li tus me dej ntws lawm tsis ntws rov
ntsia saum lub ntuj los pom duab ci
ntsia hauv pem teb los pom toj roob hauv pes
chim kuv lub siab ua luaj tsis xav ua neeg
xav 100 feem pua lo los kuv tseg tsis tau
cia lub qhov muag qe thiaj li tag xwb puas yog
txoj sia yuav yaj los tsis tu li
qaug zog zuj zus rau txoj kev ua rog hlub
tsaus ntuj los nag tas li puas yuav tshav ib hnub
vim nws yog kuv qhov chaw sov siab
yog kuv lub ntiaj teb
xav puag rau hauv xub ntiag
yuav hlub mus kom kawg
tsos tej kev ntxhov siab rau kuv res
pw ntawm kuv ib sab tuav kuv txhais tes
kuv tus npau suav yuav nyob deb ua luaj
hnub no tsis muaj nws nyob lawm
kev hlub kuv thiaj muab los nco tag nrho
txij no yuav tu nho tsis muaj ntxhiv

kuv hais rau nws

tsis quaj mog vim kuv tsis pub koj quaj
ua neeg nyob tsis pom tom ntej tim sis
ib hnub yuav tshav nws ntuj nram kwjha
los kuv puag koj rau kub lub xub ntiag
ib sim neej kuv yuav tsis thov tso koj
ua neej ntxhua kua muag
zaum no mus koj yuav tsis nco txog yav tag
cia tseg koj lub siab rau tu muaj nuj nqes
luag thiaj sev lub sij hawm koj muaj
nyob mus muaj nqes

Thinking of the past, I feel sad
Now I know how much you care of me
Why so long, but today you call, can't think of words and what to say
Now I know,you still miss and love and feel like it yesterday
Now it's too late
I'm with someone and have family,not always happy but can't turn back
My mind couldn't relax after we talked
My heart ache and want you to fill that open space
I know it is wrong to think this way
Now I know it my fault from the start
It's off better not to keep in touch and let you go
there someone that better and match you more, still waiting just for you

hmo no thov puag koj ib zaug ntxiv,
ua ntej tag kis koj mus yuav txiv,
thov tig los kuv ntsia koj ib muag,
ua ntej koj yuav mus hlub nrog luag,
tig los kuv hnia koj ua zaum kawg,
muab koj tus ntxhiab zwm tsheg nruab nplawv,
tuav koj txhais ua ntej ncaim mus,
mam li thim wb txoj kev sib hlub,
yog ncaim lawm kuv yuav ua cas nyob,
qua muag tsuas los hnov lub siab mob,
yuav vwm li no mus pes tsawg xyoo,
kuv lub siab no nws mam li zoo,
lub ntuj nws kaj zus zus lawm tiag,
sib hawm ib hmo zoo li ib pliag,
wb txoj kev hlub txawm siv yuav tu,
ploj nrog lub hli nrog cov hnub qub,
mus zoo koj mog tus neeg kuv hlub,

Kuv lub neej zoo yam li lub nkoj deg ntab yuj yees rau saum nplaim dej. Raug cua ntsawj mus ntsawj los yuav nchuav vim tsis muaj koj los nrog kuv tuav.Koj mus koj lawm tseg kuv nyob tom qab. Lub ntuj no loj los loj dav los dav es kuv yuav ua cas ua neej nyob yog tsis muaj koj nrog kuv nyob ntawm kuv ib sab. Ntshe kuv yuav ua lub neej nyob tsau tsawv lub kua muag iab uas ntsim tuaj rau hauv kuv nruab siab. Ntshe yuav muab koj nco tshav ntuj nrig lub niaj tawm lub xyooj tsis muaj siab xav mus pib dua lub neej tshiab. Cas lub ntuj no los nag yuav txawj tu, ua cas kuv lub kua muag los yuav tsis txawj tu. Zaum no ntshe yuav tu ncua koj lub npe tsis tau hu. Ntshe yuav mob kuv lub siab ntsim kuv luv plawv mus txog hnub laus tuag es thiaj li yuav hnov qab tau koj.Yog koj hlub kuv li kuv hlub koj, thov kom koj nco ntsoov thiab cim rau hauv koj lub nruab siab.Thov koj tsis txhob maj mus thawj thiab. Thov koj tos kom tau kuv nrog koj mus es cia wb mam ua ke mus thov wb daim ntawv nkauj ntawv nraug nrog rau wb daim ntawv txij ntawv nkawm lawm pem nyuj vag teem es kom wb rov tau los ua neej sib hlub ua txij ua nkawm rau lwm tiam thiab rau txhua txhua tiam mus li.

Vim kev hlub tsis muaj qhov muag. Peb ua neej nyob thiaj paub hnub hlub xwb thiaj tsis paub hnub twg yuav tau txais txojkev los kua muag.

Vim kev hlub tsis muaj qhov muag. nyuam qhuav pom dheev koj xwb, lub siab twb muab koj nyiam hlub ua ciaj ua tuag. Kuv txojkev nyiam thiab hlub koj thiaj ua rau kuv dhau los mus ua ib tug niag neeg tsis paub txuag ntsej txuag muag thiab dhau los mus ua ib tug neeg tsis paub txaj muag. koj twb yeej ib txwg hais rau kuv tias yog wb muaj txoj hmoo sib sau tau los ua ib yig neej, txawm yuav noj mov ntse zaub tsuag xwb los yuav ua lub siab ntev ua lub neej sib qaws sib hlub kom mus txog hnub laus tuag. Ua li cas hnub no xwb koj tsawm siv hais rau kuv tias wb txojkev sib hlub mus tsis tau lawm los twb vim yog kuv zoo tsis cuag luag. Mob kuv lub siab ua ciaj ua tuag los koj twb mus muaj dua lwm tus los hlub los puag. Xyov yuav laj ua neej mus txog hnub twg thiaj li mam tuag los yog vim txoj niag kev uas hlub luag tsis rua qhov muag.

Vim kev hlub tsis muaj pob ntseg. Peb ua neej nyob hais txog ntawm txojkev sib hlub, yog tsis pom dej dag siab yeej tsis nqeg.

Vim kev hlub tsis muaj pob ntseg. Nyuam qhuab pom dheev koj xwb, lub siab lub ntsws twb muab koj nyiam hlub tuav tes rawv ua dev leg. Leej niam leej txiv thiab luag ib tsoom twb yeej pom thiab paub tias koj yog ib tug neeg siab phem siab dub siab tsis zoo, los kuv yeej tsis mloog tsis tso koj tseg. Raug koj dag zaum tas zaum thiab los lub siab lub ntsws yeej tseem tsis paub nqeg.Neeg siab twv siab twm zeej tsis mloog hais, xyov yuav pib qhov twg tuaj lub neej thiaj li yuav ntseg los twb vim yog txoj niag kev uas hlub luag tsis cuab pob ntseg.

Txawm tias txojkev hlub tsis muaj qhov muag thiab pob ntseg los yus muaj. Yog yuav hlub leej twg yuav tau ua siab ntev rua muag ntsia tsa ntsej mloog, thaum kawg thiaj tsis tau los zaum tsaws zauj quaj thiab thiaj tsis tau los zaum tsaws tu siab ntsuav xav txog txojkev uas yuav noj tshuaj.

koj yog tus kuv xaiv tau los thaum yau
zoo li cas los yuav hlub koj txog hnub laus
koj yog kuv me nplooj siab hlub
kuv yog koj lub pov haum
kuv nco koj txhua yam hlub koj kawg siab
koj lub siab qaug lias rau kuv txoj kev hlub
wb kev hlub thiaj li cia sia tsis xav ncaim
ntsia tsis dhuav thiaj tso tsis tau tseg
txoj kev hlub yog dej siab hauv lub neej
yog lub teeb cig rau nruab lub siab
koj txhais me npab yog kuv lub hauv ncoo
tag koj sim neej yuav tsis hnov kuv nroo
neeg ntiaj teb yuav tsis xyav wb moo
vim lub ntuj xaiv koj los hlub kuv
kuv lub qhov muag pom kev deb deb tuaj
koj txoj kev hlub ci nta iab
thiaj los daws tau kuv txoj ke nyuaj siab
wb zoo li tsob ntoo cog tau rau ntawm ntug dej
tsuas loj hlob mos nyoos hlav ntsuab xwb xiab
los wb ua lub ntuj daim av tsaug
thov neb pov hwm wb kev hlub kom loj hlob
thov ua zeb ua tsua thaiv tsis pub tawg
sib nplaum li lub ncuav mus tag ib txhis

Txog Rau Nkauj Hmoob
Tus Neeg Kuv Nco
Siab Ntxhov Nyo
Los Yog Vim Koj
Tsis Tau Koj
Los Hlub Tiam No
Ntshe Yuav Nco
Mus Tag Ib Txhis
Os Me Nkauj Xis
Lub Paj Tawg Tshiab
Kuv Nplooj Siab
Nyob Ntxhov Lis Nyho
Los Vim Yog Kuv No
Nco Koj Xwb
Os Nkauj Hmoob
Tus Neeg Kuv Tshua
Tsis Tau Koj Ua
Kuv Nplooj Siab Tiam No
Lawm Ces Ntshe
Yuav Ua Ib Siab
Mus Puag Tes Puag Taw Tuag
Es Lwm Tiam
Yog Muaj Tiag No
Mam Nco Ntsoov
Los Hlub Koj Dua Mog
Kuv Me Nkauj Hmoob
Tus Kuv Hlub Nco
Sim Neej No
Tsis Tau Koj Lawm Ces
Xyov Yuav Nyob
Ua Neeg Vwm
Mus Txog Thaum Twg
Es Nplooj Siab Nplooj Ntsws
Thiaj Mam Li Zoo
Nas Me Nkauj Hmoob
Tus Neeg Kuv Hlub
Vim Yog Niam Txiv
Lub Siab Dub
Thiaj Li Txiav
Wb Txoj Kev Hlub
Thiaj Li Muab
Koj Qua Li Nphluav
Rau Luag Lwm Tus
Es Wb Kev Hlub
Thiaj Li Plam
Tsis Muaj Hnub
Yuav Sib Tau
Lawm Mog Nkauj Hmoob
Tus Neeg Dai Siab
Koj Tus Ntxhiab
Yuav Nco Ntsoov Tseg
Rau Hauv Kuv Nruab Plawv
Mus Tag Tiam No
Yuav Thov Nco
Wb Txoj Kev Hlub Zoo
Yav Tag Dhau Los
Rau Kuv Lub Nruab Siab
Mus Kom Tag Ib Txhis
Mog Kuv Me Nkauj Hmoob
Tus Me Neeg Zoo
Txoj Hmoo Tsis Zoo
Wb Thiaj Tsis Sib Tau
Lawm Los Txhob Tu Siab
Kuv Lub Siab
Yuav Khaws Ntsoov
Wb Txoj Me Kev Hlub
Mus Rau Lwm Tiam
Es Mam Los Hlub Pauj
Wb Lub Neej Tu Siab
Nyob Rau Tiam No Mog

thaum twg nws txog lub caij ntuj no,
tej mi nplooj lwg nws qhuav nkig nkuav,
thaum ntwg cua tshuab nplooj zeeg dawb vog,
tsheg tej xyoob ntoos nyob qhuav qhawv,
thaum cig mus txog lub caij ntuj sov,
tej mi npooj toos rov hlav ntsuab vog,

cas txoj kev hlub ua nws dhau mus,
nws tsuas mus ib hnub deb zuj zus,
tsis pom rov los rau koj thiab kuv,
yog wb ua txhaum dabtsi rau kev hlub,
kuv hlub koj puas yog txhaum lub ntuj,
koj hlub kuv puas yog txhaum daim av,

txoj kev sib hlub puas yog wb ua txhaum ib zaug nyob rau tiam thauv,
txoj kev sib hlub tiam no luag thiaj pub hlub xwb tsis pub sib tau,
thiaj muab wb ob lus siab coj los tsim txom ua mob kua muag los,
thiaj pub kuv hlub xwb tsis pub tau koj,

hlub koj npaum twg los tsis sib tau,
hnub twg yog tsis muaj kuv no lawm,
koj nyob hnub twg yog kua muag los,
thov tsis txog so koj lub kua muag,
cia kuv hnia koj sab me phlu ib pliag,
pauj kev mob siab hlub tsis sib tau,